Rasim Selmanaj nga AAK ka reaguar ndaj statusit të deputetes së VV-së, Donika Kadaj e cila kishte komentuar zgjedhjen e Ramush Haradinajt si kryeministër.

Deputeti Selmanaj i ka kujtuar asaj kohën kur Beogradi kishe në plan të ekstradojë Ramush Haradinaj në Beograd, duke thënë se nuk e kupton arsyen se pse nuk i janë gëzuar zgjedhjes së Haradinajt si kryeministër.

Ndryshe, deputetja Kadaj ka thënë se me zgjedhjen e Haradinajt duhet urohet vetëm Beogradi.

Postimi i plotë i Selmanajt:

Mirëmengjesi Donikë!

Sapo e lexova postimin tënd se duhet uruar Beogradi…..

Se sa është gëzuar Beogradi e din ti mirë e di edhe une…. po ta kujtoj se sa ishte gëzuar Beogradi kur nuk arriti ta ekstradoj Ramushin në Serbi nga Colmari i Francës nuk besoj se është gëzuar ma shumë mbrëmë!

Por sinqerisht spo mund ta kuptoj pse ju nuk jeni gëzuar pse Ramushi u zgjodh kryeministër!

Megjithate du me besu se Donika Kada është gëzuar, prandaj Urime juve dhe gjithë shqiptarëve për zgjedhjen e Ramush Haradinajt kryeministër! RS